Ers y cyfnod cyn dyfodiad y Rhufeiniaid, mae Gwynedd wedi bod yn ganolbwynt i weithgarwch creadigol. Mae gwreiddiau barddol a thraddodiad adrodd straeon Cymru’n ddwfn yn y sir, gyda’r ucheldir trawiadol a’r arfordir golygfaol yn yr ardal yn ysbrydoliaeth i weithiau celf sy’n enwog yn fyd-eang. Hyd heddiw, mae Gwynedd yn parhau’n fwrlwm o weithgareddau artistig eang o’r safon uchaf, fel a adlewyrchir yn orielau niferus y sir, a’r lleoliadau arddangos eraill.

Nod Darganfod Gwynedd yw annog pobl leol i ymfalchio yn eu diwylliant a’u tirlun, gofalu amdanynt a’u gwarchod. Gellir gwneud hyn drwy gefnogi crefftwyr ac arlunwyr lleol sydd, drwy eu celf, yn dal ati i ddangos bod y rhanbarth hwn yn unigryw ac arbennig. Mae Gwynedd yn gartref i gist drysorau o dalent ysbrydoledig a fwynheir gan y boblogaeth leol a’r ymwelwyr fel ei gilydd. Mae’r dalent greadigol, gyfoes hon yn parhau i gael ei hysbrydoli, yn union fel crefftwyr y gorffennol, gan fynyddoedd ac arfordir y sir.